ഐഫോണിന്റെ വില്പന കുതിച്ചുയര്ന്നതോടെ കഴിഞ്ഞ ത്രൈമാസത്തില് ആപ്പിളിന്റെ ലാഭം ഇരട്ടിയായി. 1160 കോടി ഡോളറാണ് കഴിഞ്ഞ ത്രൈമാസത്തിലെ ലാഭം. വരുമാനം 3920 കോടി ഡോളറായി ഉയര്ന്നു. ഇതോടെ കമ്പനിയുടെ കൈവശമുള്ള മിച്ചധനം 11020 കോടി ഡോളറായി വര്ധിച്ചു.ഐഫോണിന്റെ വില്പനയില് 88 ശതമാനം വര്ധനവാണ് ഉണ്ടായത്. 2012 ജനവരി - മാര്ച്ച് ത്രൈമാസത്തില് കമ്പനി 3.5 കോടി ഐഫോണുകള് വിറ്റു. 1.2 കോടി ഐപാഡുകളും ഈ കാലയളവില് വിറ്റഴിച്ചതായി ആപ്പിള് സിഇഒ ടിം കുക്ക് അറിയിച്ചു.
ഐപാഡിന്റെ മൂന്നാം തലമുറ ടാബ്ലെറ്റ് വിപണിയിലെത്തിയതോടെ ഈ വര്ഷവും മികച്ച വില്പന കൈവരിക്കാനാകുമെന്നാണ് കമ്പനിയുടെ പ്രതീക്ഷ. ഐഫോണ് 4എസ്സിനും മികച്ച പ്രതികരണമാണ്.
മാക്കിന്റെ വില്പന 40 ലക്ഷമായി ഉയര്ന്നപ്പോള് ഐപോഡിന്റെ വില്പന 77 ലക്ഷമായി ചുരുങ്ങു.
No comments:
Post a Comment